საქართველოში კიდევ ერთხელ ჩატარდა პრესტიჟული საერთაშორისო შეჯიბრება ძიუდოში, თბილისის გრანდ სლემი.
„თბილისი არენაზე“ 52 ქვეყნის 385-მა გამორჩეულმა ძიუდოისტმა იასპარეზა.
საქართველოს ძიუდოისტთა ნაკრებმა 9 მედალი (2 ოქრო, 2 ვერცხლი, 5 ბრინჯაო) მოიპოვა.
ქართველებზე უკეთესი შედეგი მხოლოდ ფრანგებმა აჩვენეს, რომელთა ანგარიშზეც 3 ოქროს, 3 ვერცხლისა და 4 ბრინჯაოს მედალია.
საქართველოსთვის ოქროს მედალი ლაშა შავდათუაშვილმა და ეთერ ლიპარტელიანმა მოიპოვა, ვერცხლის მედლები თემურ ნოზაძემ და გურამ თუშიშვილმა აიღეს, ბრინჯაოს კი ირაკლი დემეტრაშვილი, გიორგი ჯაბნიაშვილი, ირაკლი ბეროშვილი, ზაურ დვალაშვილი და ნინო ლოლაძე დასჯერდნენ.
