ზაფხული, ჰაერის მაღალი ტემპერატურის გამო, განსაკუთრებით ხანძარსაშიში პერიოდია. გარემოს დაცვისა და სოფლის მეურნეობის სამინისტრო ყოველწლიურად ახორციელებს ხანძარსაწინააღმდეგო პრევენციულ ღონისძიებებს.
წლევანდელი კამპანიის სახელწოდებაა „ნუ დატოვებ კოცონს უყურადღებოდ“.
კამპანიის ფარგლებში ეროვნული სატყეო სააგენტომ ხანძარსაშიშ უბნებსა და იმ ტერიტორიებზე, რომელიც ტურისტულ სეზონზე განსაკუთრებით დატვირთულია, საინფორმაციო-გამაფრთხილებელი ნიშნები განათავსა.
ამ თემაზე ევრონიუს ჯორჯიას ეთერში ეროვნული სატყეო სააგენტოს უფროსის მოადგილემ, დავით დამენიამ ისაუბრა.
