საქართველოში მოქმედ სკოლებში სასწავლო წელი დასრულდა, დასრულდა ისე, რომ ხელისუფლებას მოსწავლეთა მშობლების აზრი არ გაუთვალისწინებია – ამას ამბობენ ასოციაციის “მშობლები განათლებისთვის” წევრები.
ორგანიზაციაში კვლავ საუბრობენ იმ პრობლემებზე, რომლის მოგვარებასაც წლებია ითხოვენ. ასოციაციაში აცხადებენ, რომ მათთვის, როგორც მოსწავლეთა მშობლებისთვის მიუღებელია, რომ 21-ე საუკუნის საქართველოში, ბავშვების უფლებები და ღირსება არ არის სათანადოდ დაცული.
ამ თემებზე ევრონიუს ჯორჯიას ეთერში ასოციაციის “მშობლები განათლებისთვის” წევრებმა, მედეა ტურაშვილმა და მაკა საკანდელიძემ ისაუბრეს.
