მიტანის სერვისის ერთ-ერთი კომპანიის ათობით კურიერმა დღეს თბილისში, სამუშაო პირობები გააპროტესტა. მოგვიანებით კი შეთანხმება კომპანია ,,გლოვოსა” და პროტესტის მონაწილე კურიერებს შორის ანაზღაურებასთან დაკავშირებით შედგა. ,,გლოვოს” კურიერები დღევანდელ აქციაზე მომსახურების ტარიფების გაზრდას, ობიექტებზე ლოდინის დროის შემცირებასა და ბონუსების სისტემის შეცვლას ითხოვდნენ. მათივე თქმით, აპლიკაცია მანძილს ზუსტად არ თვლის და ტარიფს სწორად არ ადგენს, რის გამოც მათი შემოსავალი მცირდება, ხოლო ცუდ ამინდში მომსახურების დანამატს ხშირად ვერ იღებენ. სანამ შეთახმება შედგებოდა- აქციას კომპანია წერილობით გამოეხმაურა და განაცხადა, რომ პრობლემის აღმოსაფხვრელად კურიერებისგან კონკრეტულ მოთხოვნებს ელოდა.
ავტორი: ანა ალელიშვილი
ფოტოგრაფი: ირაკლი შალამბერიძე
