„მზია ამაღლობელს მხედველობის შესანარჩუნებლად საჭირო კვლევები და მკურნალობა ამ დრომდე არ უტარდება” – საია

მზია ამაღლობელის ჯანმრთელობის მდგომარეობასთან დაკავშირებით განცხადებას ავრცელებს „საქართველოს ახალგაზრდა იურისტთა ასოციაცია”.

განცხადებაში ნათქვამია, რომ მიუხედავად სამედიცინო შეფასებებისა, რომლებიც ცალსახად აჩვენებს მზია ამაღლობელის მხედველობის საგანგაშო გაუარესების დინამიკას, ასევე არაერთი მიმართვის მიუხედავად, მზია ამაღლობელს არ უტარდება მკურნალობის დასაგეგმად საჭირო გამოკვლევები.

ორგანიზაცია შესაბამის უწყებებს მოუწოდებს, რომ დაუყოვნებლივ უზრუნველყონ მზია ამაღლობელისთვის მაღალტექნოლოგიური გამოკვლევების ჩატარება.