დღეს საქართველოს სომხეთის რესპუბლიკის საგარეო საქმეთა მინისტრი, არარატ მირზოიანი ეწვევა. საგარეო საქმეთა სამინისტროს ინფორმაციით, ოფიციალური ვიზიტის ფარგლებში, შეხვედრა შედგება საქართველოს საგარეო საქმეთა სამინისტროში, სადაც სომეხ კოლეგას მაკა ბოჭორიშვილი უმასპინძლებს. დიპლომატებს შორის შეხვედრაზე განხილული იქნება სტრატეგიული პარტნიორული ურთიერთობები და რეგიონული თანამშრომლობის საკითხები. შეხვედრის შემდეგ დაგეგმილია განცხადებები პრესისთვის. ვიზიტის ფარგლებში ასევე დაგეგმილია არარატ მირზოიანის შეხვედრა მიხეილ ყაველაშვილთან, ირაკლი კობახიძესთან და შალვა პაპუაშვილთანაც. სომხეთის საგარეო საქმეთა მინისტრი ასევე გვირგვინით შეამკობს საქართველოს ერთიანობისათვის დაღუპულ გმირთა მემორიალს.
Search
