დაღესტანში ვერტმფრენის ჩამოვარდნის შედეგად 5 ადამიანი დაიღუპა და 6 დაშავდა.
კა-226-ის ტიპის ვერტმფრენი, რომელსაც კიზლიარის ელექტრომექანიკური ქარხნის მუშები გადაჰყავდა, კასპიის ზღვის სანაპიროზე შენობას შეეჯახა. უბედური შემთხვევის ამსახველ კადრებში ჩანს, დაშვების დროს თუ როგორ უზიანდება ვერტმფრენს კუდი, ამის შემდგომ კი ისევ მაღლა ფრინდება, საბოლოოდ კი შენობას ეჯახება და ცეცხლის ალში ეხვევა.
რუსეთის საგამოძიებო კომიტეტის სატრანსპორტო დეპარტამენტის ცნობით, ჩამოვარდნის მიზეზებად პილოტის შეცდომა და ტექნიკური გაუმართაობა ითვლება.
