ზამთრის სეზონზე ბუნებრივი აირის უსაფრთხო მოხმარებასთან დაკავშირებული საკითხები განსაკუთრებით აქტუალური ხდება.
სწორედ ამ თემაზე არსებულ რისკებსა და რეკომენდაციებზე ისაუბრა ენერგოომბუდსმენის მოვალეობის შემსრულებელმა ნინო გულეიშვილმა. მან პრესკონფერენციაზე გაზგამანაწილებელი კომპანიების მოვალეობებზე გააკეთა აქცენტი, თქვა, რომ მათ წელიწადში ერთხელ ვალდებულება აქვთ, შეამოწმონ აბონენტები.
ნინო გულეიშვილმა ასევე განაცხადა, რომ წინა წლებთან შედარებით აბონენტების მხრიდან არსებული დარღვევების რაოდენობა არ შემცირებულა. თუმცა, მისივე განცხადებით, შემცირდა უბედური შემთხვევების რაოდენობა.
