რუსულმა ნავთობკომპანიამ „რუსნეფტმა“ საქართველოში ახლადამუშავებულ ქარხანას პირველი ტვირთი მიაწოდა.
ინფორმაციას საინფორმაციო სააგენტო „რიოტერსი“ ავრცელებს. საერთაშორისო მედიის ცნობით, საუბარია ყულევის ნავთოგადამამუშავებელ ცენტრზე.
„როიტერსი“ ეყრდნობა London Stock Exchange Group-ის მონაცემებს, რომელიც მთელ მსოფლიოში გემების გადაადგილების შესახებ ინფორმაციასაც ფლობს.
ამ ანალიზის მიხედვით, ერთ-ერთმა რუსულმა ტანკერმა „კაისერმა“ რუსეთის შავი ზღვის პორტ ნოვოროსიისკიდან ყულევის ნავთობტერმინალში 6 ოქტომბერს 105 ათას 340 მეტრული ტონა ნავთობი მიიტანა.
„როიტერსის„ მიერ გავრცელებულ განცხადებაში ასევე ნათქვამია – “მიუხედავად იმისა, რომ საქართველოსა და რუსეთს შორის არ არსებობს დიპლომატიური კავშირი, მმართველი პარტია „ქართული ოცნების“ პირობებში თბილისი ეკონომიკურ კავშირებს აღრმავებს რუსეთთან – იმ დროს, როდესაც ქვეყნის დასავლურ სახელმწიფოებთან ურთიერთობები სუსტდება”.
ევრონიუს ჯორჯია ინფორმაციის გადასამოწმებლად დაუკავშირდა საქართველოს ეკონომიკისა და მდგრადი განვითარების სამინისტროს, ასევე, საქართველოს ნავთობისა და გაზის კორპორაციას.
