საქართველოს მასშტაბით 3061 საარჩევნო უბანი დღეს დილის 8:00 საათზე გაიხსნა.
საქართველოს მოსახლეობა 64 მუნიციპალიტეტში ახალ საკრებულოებსა და თვითმმართველი ქალაქისა და თემის მერებს აირჩევს. ამომრჩეველი 4-წლიანი ვადით 64 მერს და 64 საკრებულოს 2 058 წევრს მისცემს ხმას.
ოპოზიციიდან კენჭისყრის პროცესში მონაწილეობას იღებს „ძლიერი საქართველო-ლელო“, „გახარია საქართველოსთვის“ და „გირჩი“.
არჩევნებს ბოიკოტი გამოუცხადეს პარტიების გაერთიანებამ „კოალიცია ცვლილებისთვის“ და „ნაციონალურმა მოძრაობამ“.
ამ პროცესში მონაწილეობას არ მიიღებს რამდენიმე ორგანიზაცია, რომელიც ათწლეულების განმავლობაში აკვირდებოდა არჩევნებს – მათ შორის „სამართლიანი არჩევნები“ და საერთაშორისო გამჭვირვალობა – საქართველო“. ადგილობრივი თვითმმართველობის არჩევნებს არ დააკვირდება ეუთო/ოდირიც.
