ევროკომისია რუსეთის წინააღმდეგ სანქციების მე-19 პაკეტს წარადგენს. ახალი შეზღუდვები უკავშირდება კრიპტოვალუტას, საბანკო და ენერგეტიკის სფეროებს.
ინფორმაცია რუსეთისთვის ახალი სანქციების დაწესების შესახებ ევროკომისიის პრეზიდენტმა დაადასტურა. ურსულა ფონ დერ ლაიენმა პლატფორმა X-ზე დაწერა, რომ ის მორიგ შეზღუდვებთან დაკავშირებით უკვე ესაუბრა ამერიკის შეერთებული შტატების პრეზიდენტ დონალდ ტრამპს და მხარეები შეთანხმდნენ, გაზარდონ ზეწოლა რუსეთზე.
I had a good call with @POTUS on strengthening our joint efforts to increase economic pressure on Russia through additional measures.
The Commission will soon present its 19th package of sanctions, targeting crypto, banks, and energy.
Russia’s war economy, sustained by revenues…
— Ursula von der Leyen (@vonderleyen) September 16, 2025
„რუსეთის ომის ეკონომიკა, რომელსაც წიაღისეული საწვავისგან მიღებული შემოსავლები ინარჩუნებენ, უკრაინაში სისხლისღვრას აფინანსებს. ამის დასასრულებლად ევროკომისია რუსეთის წიაღისეული საწვავის იმპორტის გაუქმების დაჩქარების წინადადებით გამოვა”, – წერს ევროკომისიის პრეზიდენტი ურსულა ფონ დერ ლაიენი სოციალურ ქსელში.
