უწყვეტი პროევროპული პროტესტის 290-ე დღეს მოქალაქეები ევროკავშირთან სავიზო რეჟიმის ლიბერალიზაციის დასაცავად შეიკრიბნენ.
საპროტესტო დემონსტრაციას შეუერთდა ოპოზიციური პარტიების ის ნაწილი, რომელიც უარს აცხადებს 2025 წლის 4 ოქტომბრის ადგილობრივ არჩევნებში მონაწილეობაზე.
შეკრების ადგილი თბილისის სახელმწიფო უნივერსიტეტი იყო, საიდანაც მსვლელობა მელიქიშვილის გამზირისა და კოსტავას ქუჩის გავლით საქართველოს პარლამენტის შენობისკენ გაიმართა.
