საოკუპაციო ძალებმა გაათავისუფლეს უკანონოდ დაკავებული საქართველოს მოქალაქე. სახელმწიფო უსაფრთხოების სამსახურის თანახმად, საქართველოს ხელისუფლების მიერ კონტროლირებად ტერიტორიაზე იმყოფება თენგიზ კორაშვილი.
ის მიმდინარე წლის 19 მაისს დააკავეს, გორის მუნიციპალიტეტის სოფელ ხურვალეთის მიმდებარედ.
უწყების ინფორმაციით, აქტიურად გრძელდება მუშაობა ოკუპირებულ ტერიტორიებზე უკანონო პატიმრობაში მყოფი საქართველოს ყველა მოქალაქის გასათავისუფლებლად.
