წინანდლის ისტორიულ მამულში კლასიკური მუსიკის საერთაშორისო ფესტივალი გრძელდება. ფესტივალის მე-5 დღეს კამერული დარბაზი მევიოლინე იამენ საადსა და პიანისტ ჟულიენ კანტანს დაეთმო.
მსმენელისთვის მათ გაბრიელ ფორეს, ფრიც კრაისლერისა და ედვარდ გრიგის ნაწარმოებები შეასრულეს.
„პირველად ვარ წინანდალში. აქ შესანიშნავი მსმენელია – ყოველთვის ენთუზიაზმით აღსავსე. მუსიკოსები კი ნამდვილად მსოფლიო დონის არიან. და რაც მთავარია, ისინი არიან არამარტო შესანიშნავი მუსიკოსები, არამედ საოცარი ადამიანებიც. სწორედ ეს არის ფესტივალისთვის იდეალური ფორმულა”, – ამბობს მევიოლინე იამენ საადი.
.
წინანდალში კლასიკური მუსიკის საერთაშორისო ფესტივალის მე-5 დღეს, მსოფლიოს წამყვან მუსიკოსებთან ერთად, ქართველმა პიანისტებმა გიორგი გიგაშვილმა და ცოტნე ზედგინიძემ დაუკრეს.
