ბათუმელი სტუდენტი, ანრი კაკაბაძე, რომელიც 2024 წლის დეკემბერში სამ სხვა სტუდენტთან და ბათუმის ხელოვნების სახელმწიფო უნივერსიტეტის დეკანთან ერთად ჯგუფური ძალადობის ბრალდებით დააკავეს, თავისუფალია. მან საპატიმრო დღეს, 8 სექტემბერს დატოვა.
25 ივლისს ანრი კაკაბაძეს ბათუმის საქალაქო სასამართლოს მოსამართლე ვიქტორ მეტრეველმა 9 თვით თავისუფლების აღკვეთა მიუსაჯა.
მასთან ერთად დაკავებული მამუკა ჯორბენაძე, გურამ მიქელაძე, დავით გვიანიძე და გიორგი დავითაძე სასამართლომ 28 იანვრის სხდომაზე გაათავისუფლა – მათ აღკვეთის ღონისძიების სახით შეფარდებული პატიმრობა გირაოთი შეეცვალათ. რაც შეეხება განაჩენს – მათ სასამართლომ ჯარიმის გადახდა დააკისრა.
საქმის განხილვა ბათუმის საქალაქო სასამართლოში 7 თვის განმავლობაში მიმდინარეობდა. ბრალდება პროფესორსა და ოთხ სტუდენტს ჯგუფურად ჩადენილ ძალადობას ედავებოდა.
