ევროკომისიის პრესსპიკერი მარკუს ლამერტი ადასტურებს, რომ საქართველოს ხელისუფლებამ უპასუხა ევროკომისიის მერ 14 ივლისს გაგზავნილ წერილს, თუმცა ჯერ არც ამ წერილის შინაარსია საჯარო და არც ევროკავშირის პოზიციაა ცნობილი.
„ევროკომისია იმედოვნებს, რომ საქართველოს ხელისუფლება გადადგამს კონკრეტულ ნაბიჯებს, რომლებითაც გადაჭრის ევროკომისიის რეკომენდაციებით განსაზღვრულ პრობლემებს. პასუხის შინაარსზე საუბარი არ შემიძლია. მსგავს ინფორმაციას არ ვასაჯაროებთ“, – უთხრა ჟურნალისტებს მარკუს ლამერტმა.
