ავტორიტეტიანი საერაშორისო უფლებადაცვითი ორგანიზაცია Amnesty International-ი ეხმიანება საქართველოში 7 არასამთავრობო ორგანიზაციის ანგარიშების დაყადაღებას.
ორგანიზაციის წერილში ნათქვამია, რომ დამოუკიდებელი სამოქალაქო ორგანიზაციების დადანაშაულება საბოტაჟში, შემაძრწუნებელი გზავნილია მათთვის, ვინც ქვეყანაში ადამიანის უფლებებს იცავს.
„ადამიანის უფლებათა დამცველებისა და სამოქალაქო საზოგადოების წარმომადგენლების საქმიანობის შელახვით საქართველოს ხელისუფლება თავად არღვევს ადამიანის უფლებებს. ადამიანის უფლებების შეზღუდვა უნდა დასრულდეს“ – წერია Amnesty International-ის ოფიციალურ განცხადებაში.
სამოქალაქო ორგანიზაციების საბანკო ანგარიშების დაყადაღების ნებართვა, პროკურატურის შუამდგომლობის საფუძველზე, თბილისის საქალაქო სასამართლომ გასცა.
არასამთავრობო ორგანიზაციებს ედავებიან სახელწიფოს წინააღმდეგ საბოტაჟს და 2024 წლის საპროტესტო აქციების „დაფინანსებას“.
„ქართული ოცნების“ დეპუტატებმა საჯაროდ არაერთხელ განაცხადეს, რომ საქართველოში მოქმედის არასამტავრობო ორგანიზაციების ნაწილი „ირიბად ახალისებდნენ“ აქციის მონაწილეებს დანაშაულის ჩადენაში.
იხილეთ იმ არასამთავრობო ორგანიზაციების ჩამონათვალი, რომელთა საბანკო ანგარიშებიც 27 აგვისტოს დააყადაღეს.
„სამართლიანი არჩევნებისა და დემოკრატიის საერთაშორისო საზოგადოება“ (ISFED);
„ინფორმაციის თავისუფლების განვითარების ინსტიტუტი“ (IDFI);
„სამოქალაქო საზოგადოების ფონდი“;
„დემოკრატიის მცველები“;
„საქართველოს დემოკრატიული ინიციატივა“ (GDI);
„საფარი“;
„სოციალური სამართლიანობის ცენტრი“ (ყოფილი EMC).
