ერთიანი ეროვნული გამოცდების საბოლოო შედეგები ცნობილია, ის შეფასებისა და გამოცდების ეროვნული ცენტრის ვებ-გვერდზე გამოქვეყნდა.
უმაღლეს სასწავლებლებში სწავლის გაგრძელების უფლება 31 700-ზე მეტმა აბიტურიენტმა მოიპოვა. ეს კი გამოსაცდელთა დაახლოებით 88%-ია. სახელმწიფო გრანტის მოპოვება 6 500-ზე მეტმა მათგანმა შეძლო, 100%-იანი გრანტით სწავლას 1000 აბიტურიენტი გააგრძელებს. 70%-იანი გრანტით ისარგებლებს – 1 400-ზე მეტი გამოსაცდელი, 50%-იანი გრანტი კი – 4 000 – ზე მეტმა აბიტურიენტმა მოიპოვა. ახლა ჩარიცხულებმა ხელშეკრულებებისთვის უკვე უმაღლეს საგანმანათლებლო დაწესებულებებს უნდა მიმართონ.
შეფასებისა და გამოცდების ეროვნული ცენტრის მონაცემების მიხედვით ცნობილია სახელმწიფოს მიერ დაფინანსნებული უმაღლესი საგანმანათლებლო პროგრამებზე ჩარიცხულთა ვინაობაც, სულ ასეთი 5 000-მდე პირია. ამ სეგმენტში ქართულ ენაში მომზადების პროგრამებზე სწავლას 1 700-ზე მეტი აპლიკანტი გააგრძელებს – დაფინანსდა 700-ზე მეტი გამოსაცდელი.
NAEC-ის ინფორმაციით წელს გამოცდებისათვის 80 000-ზე მეტი აპლიკანტი დარეგისტრირდა, მათ შორის იყვნენ არა მხოლოდ აბიტურიენტები და საგრანტო კონკურსის მონაწილეები. არამედ სამაგისტრო, მასწავლებლისა თუ მასწავლებლობის მსურველთა გამოცდებისთვის რეგისტრირებულებიც. მათი შედეგები ცნობილი უკვე უახლოეს დღეებში გახდება.
