25 აგვისტო საქართველოს ეროვნული გმირის, მარო მაყაშვილის დაბადების დღეა.
ეროვნული გმირის წოდების მქონე პირველი ქალი 1921 წლის 19 თებერვალს დაიღუპა, კოჯორ-ტაბახმელას მისადგომებთან, საბჭოთა საოკუპაციო ჯარის წინააღმდეგ საბრძოლო მოქმედებების დროს. 19 წლის მედდა ყუმბარის აფეთქებამ შეიწირა.
მამის, კოტე მაყაშვილისთვის წერილში ნახსენები ფრაზა – “გავიმარჯვებთ სახელოვნად!” – თაობათა ცვლის მიუხედავად, 104 წლის შემდეგაც მუხტის მიმცემია საზოგადოებისთვის, რომელიც საქართველოს დამოუკიდებელი და თავისუფალი მომავლისათვის იბრძვის.
