61 წლის ასაკში ბიზნესმენი და პოლიტიკოსი ლევან გაჩეჩილაძე გარდაიცვალა. ინფორმაცია გაჩეჩილაძის ოჯახის წევრებმა უკვე დაადასტურეს.
წარმატებული ბიზნესსაქმიანობის შემდეგ, პოლიტიკური კარიერა ლევან გაჩეჩილაძემ 1999 წელს დაიწყო, როცა გახდა საქართველოს პარლამენტის წევრი. 1999-2008 წლებში იყო საქართველოს მე-5, მე-6 და მე-7 მოწვევის პარლამენტის წევრი.
ლევან გაჩეჩილაძე იყო პარტია „ახალი მემარჯვენეების“ დამფუძნებელი და ლიდერი. 2008 წლის საპრეზიდენტო არჩევნებზე მან გაერთიანებული ოპოზიციის სახელით კენჭი იყარა საქართველოს პრეზიდენტის პოსტზე, სადაც, ცესკოს მონაცემებით, 25,6% მიიღო.
