2025 წლის მეორე კვარტალში, წინა წლის შესაბამის პერიოდთან შედარებით, საქართველოში უმუშევრობის დონე გაზრდილია 0.6%-ით, 14%-მდე.
ინფორმაციას ადასტურებს სტატისტიკის ეროვნული სამსახური. მათივე ცნობით, 2024 წლის მეორე კვარტალთან შედარებით, გაზრდილია დაქირავებით დასაქმებულთა რაოდენობა, ხოლო თვითდასაქმებულთა რიცხვი შემცირდა და ახლა 422 000-ზე მეტს შეადგენს.
„საქსტატის“ მიხედვით, უმუშევრობის დონე მაღალია კაცებს შორის, თუმცა, საგულისხმოა, რომ 2025 წლის მეორე კვარტალში, წინა წლის ამავე პერიოდთან შედარებით, ქალებს შორის უმუშევრობის მაჩვენებელი 1.3%-ით არის გაზრდილი.
სტატისტიკის ეროვნულმა სამსახურმა უმუშევრობის მაჩვენებლები დაითვალა საცხოვრებელი ზონების მიხედვითაც.
„საქსტატი“ აცხადებს, რომ ამ მხრივ, რიცხვები მზარდია ქალაქის ტიპის დასახლებებში, ხოლო უმუშევრობის დონე შედარებით შემცირებულია სოფლის ტიპის დასახლებებში.
