აგვისტოს ომის წლისთავთან მე-17 დაკავშირებით უკრაინის საგარეო საქმეთა სამინისტრო განცხადებას ავრცელებს.
„ეს თავდასხმა იყო კრემლის ახალი იმპერიული პოლიტიკის პირველი მასშტაბური გამოვლინება, რომელმაც მკაფიო სიგნალი გაგზავნა საზღვრების ძალის გამოყენებით შეცვლისა და რეგიონში სტაბილურობის შელახვის სურვილის შესახებ. უკრაინის წინააღმდეგ შემდგომი აგრესია ამ პოლიტიკის პირდაპირი გაგრძელება იყო“, – აღნიშნულია უკრაინის საგარეო უწყებია განცხადებაში.
განცხადებაში ნათქვამია ისიც, რომ რუსეთმა 2008 წლის ცეცხლის შეწყვეტის შეთანხმების შესაბამისად, საქართველოს სუვერენული ტერიტორიიდან ჯარები უნდა გაიყვანოს და გააუქმოს საქართველოს რეგიონების „დამოუკიდებელ სახელმწიფოებად“ აღიარება.
„17 წლის წინ, რუსეთის ფედერაციამ უხეშად დაარღვია საერთაშორისო სამართლის ნორმები სუვერენული სახელმწიფოს – საქართველოს წინააღმდეგ შეიარაღებული აგრესიის აქტის ჩადენით. ამ აგრესიის შედეგად, საქართველოს ტერიტორიის დაახლოებით 20% რუსეთის საოკუპაციო ჯარების უკანონო კონტროლის ქვეშ მოექცა. საქართველოს 200 ათასზე მეტი მოქალაქე იძულებული გახდა, დაეტოვებინა საკუთარი სახლი და საკუთარ ქვეყანაში იძულებით გადაადგილებულ პირად იქცა.
ეს თავდასხმა იყო კრემლის ახალი იმპერიული პოლიტიკის პირველი მასშტაბური გამოვლინება, რომელმაც მკაფიო სიგნალი გაგზავნა საზღვრების ძალის გამოყენებით შეცვლისა და რეგიონში სტაბილურობის შელახვის სურვილის შესახებ. უკრაინის წინააღმდეგ შემდგომი აგრესია ამ პოლიტიკის პირდაპირი გაგრძელება იყო.
დღეს რუსეთის მიერ ოკუპირებულ საქართველოს ტერიტორიებზე ჰუმანიტარული მდგომარეობა უარესდება. აგრესორი ქვეყანა არა მხოლოდ ზღუდავს გადაადგილების თავისუფლებას ოკუპაციის ზონაში, არამედ აქტიურად ეწევა ამ რეგიონების მშვიდობიანი მოსახლეობაის უკანონო დაჭერასა და დაპატირებას.
უკრაინა ურყევად უჭერს მხარს საქართველოს დამოუკიდებლობას, სუვერენიტეტსა და ტერიტორიულ მთლიანობას მის საერთაშორისოდ აღიარებულ საზღვრებში, მკაცრად გმობს კრემლის აგრესიულ პოლიტიკას და არ ცნობს ოკუპირებული აფხაზეთისა და ცხინვალის რეგიონის/სამხრეთ ოსეთის (საქართველო), ე.წ. „დამოუკიდებლობას“.
რუსეთმა უნდა გაიყვანოს თავისი ჯარები საქართველოს სუვერენული ტერიტორიიდან 2008 წლის ცეცხლის შეწყვეტის შეთანხმების შესაბამისად და გააუქმოს საქართველოს რეგიონების, აფხაზეთისა და სამხრეთ ოსეთის, „დამოუკიდებელ სახელმწიფოებად“ აღიარება.
ჩვენ დარწმუნებულები ვართ, რომ მხოლოდ საერთაშორისო საზოგადოების კონსოლიდირებული ძალისხმევით, საერთაშორისო სამართლის მკაცრი დაცვით და მკაცრი სანქციების დაწესებით იქნება შესაძლებელი რუსეთის იძულება, დატოვოს უკრაინისა და საქართველოს ოკუპირებული ტერიტორიები და რუსი სამხედრო დამნაშავეები უმკაცრესი პასუხისგებაში მივცეთ”, – ნათქვამია უკრაინის საგარეო საქმეთა სამინისტროს განცხადებაში.
