ადგილობრივი თვითმმართველობის არჩევნები 4 ოქტომბერს გაიმართება. განკარგულება მიხეილ ყაველაშვილმა გამოსცა.
არჩევნებში მონაწილეობის მსურველმა პოლიტიკურმა სუბიექტებმა რეგისტრაციის მოთხოვნით ცესკოს 8 აგვისტოს ჩათვლით უნდა მიმართონ.
ამ დროისთვის ადგილობრივი თვითმმართველობის არჩევნებში მონაწილეობა დადასტურებული აქვთ „ქართულ ოცნებას“, პარტიას „გახარია საქართველოსთვის“ და კოალიციას „ლელო – ძლიერი საქართველო“.
მათგან მერობის კანდიდატი მხოლოდ „ქართულ ოცნებას“ ჰყავს დასახელებული. სხვა პოლიტიკურ სუბიექტებს კანდიდატების წარსადგენად დრო 4 სექტემბრის ჩათვლით აქვთ.
8 პარტია, მათ შორის „ნაციონალური მოძრაობა“, „ახალი“ და „ფედერალისტები“ 4 ოქტომბრის კენჭისყრას ბოიკოტს უცხადებენ და მას „რუსულ სპეცოპერაციას“ უწოდებენ.
