კიშინაუს საქალაქო სასამართლომ 7-წლიანი პატიმრობა შეუფარდა გაგაუზიის ავტონომიური ოლქის პრორუს გუბერნატორ ევგენია გუცულს.
პოლიტიკოსი დამნაშავედ ცნეს რუსეთიდან პარტიის დაფინანსებისთვის საჭირო თანხის მიღებასა და არჩევნების გაყალბებაში.
ევგენია გუცული ღიად აკრიტიკებდა მოლდოვის პროდასავლურ ხელისუფლებას და პერიოდულად სტუმრობდა მოსკოვს, სადაც რუს მაღალჩინოსნებს ხვდებოდა. მოლდოვაში დესტაბილიზაციის მოწყობის მცდელობისთვის მას სანქციები დაუწესეს ევროკავშირმა და აშშ-მა.
გუცულისთვის გამოტანილ განაჩენს კრემლმა „პოლიტიკურად მოტივირებული“ უწოდა და მოლდოვის ხელისუფლება დაადანაშაულა „დემოკრატიის ხელყოფაში“.
