„ევრონიუს რომანიას“ ინფორმაციით, მოსკოვი საბერძნეთში დაკავებული ვლად პლახოტნიუკის ექსტრადირებას ითხოვს.
კიშინიოვში ვარაუდობენ, რომ ამ გზით მოსკოვი ოლიგარქის უსაფრთხოების უზრუნველყოფას ცდილობს. ინტერპოლის რეგულაციებით კი დამნაშავე, რომელზეც ძებნაა გამოცხადებული, იმ ქვეყანას გადაეცემა, რომელმაც პირველმა მოითხოვა მისი დაკავება, ეს კი მოლდოვა იყო.
„დემოკრატიული პარტიის” ყოფილ ლიდერსა და ცნობილ ოლიგარქზე ძებნა მოლდოვამ მარტში გამოაცხადა. პლახოტნიუკი 22 ივლისს საბერძნეთში ყოფილ დეპუტატ კონსტანტინ ცაცუსთან ერთად დააკავეს. მოლდოვური მედია წერს, რომ ამ დროს ამოიღეს არაერთი ფალსიფიცირებული დოკუმენტი, მათ შორის სხვადასხვა ქვეყნის პასპორტი.
