სომხეთის საგამოძიებო კომიტეტმა დააკავა მოძრაობა „კამკის“ ლიდერი ვაჰაგნ ჩახალიანი. გამოცემა CivilNet-ის თანახმად, მისი პატიმრობა სომხეთში მოძრაობა „წმინდა ბრძოლის“ მიერ სახელმწიფო ხელისუფლების დამხობისა და ტერაქტების მოწყობის საქმეზე ქვეყნის ეროვნული უსაფრთხოების სამსახურის მიმდინარე გამოძიებას უკავშირდება.
სომხეთის საგამოძიებო კომიტეტის თანახმად, ვაჰაგნ ჩახალიანი დაკავებულია სასამართლოსთვის გადაცემისა და მისთვის აღკვეთის ღონისძიების სახის შეფარდების მიზნით.
წარსულში ვაჰაგნ ჩახალიანი საქართველოში მოძრაობა „ჯავახკის“ ლიდერიც იყო. ის 2009 წელს მასობრივ არეულობაში თანამონაწილეობის, იარაღის შეძენა-შენახვა-ტარებისა და ხულიგნობის მუხლებით დააკავეს. საქართველოს სასამართლომ აქტივისტს 10-წლიანი პატიმრობა შეუფარდა, თუმცა, ხელისუფლების ცვლილების შემდეგ 2013 წელს ის ამნისტიით გამოუშვეს.
