ქართველი ოპოზიციონერი ლიდერების დაპატიმრებას არაერთი დასავლელი პოლიტიკოსი ეხმაურება.
„პოლიტიკურად მოტივირებული დევნა და ოპოზიციონერი პოლიტიკოსების დაპატიმრება საბაზისო დემოკრატიულ ღირებულებებს ეწინააღმდეგება”, – დაწერა ევროკომისიის სპიკერმა ანიტა ჰიპერმა პლატფორმა X-ზე.
ოპოზიციონერი პოლიტიკოსების დაკავებას გამოეხმაურა ევროკომისარი გაფართოების საკითხებში მარტა კოსიც. ის აცხადებს, რომ „ოპოზიციური ხმების დაპატიმრება თავდასხმაა საქართველოს დემოკრატიულ საფუძვლებზე, რომლებიც დღითი დღე იშლება“.
„საქართველოსთან დაკავშირებით დღესვე უნდა ვიმოქმედოთ, თუ არ გვინდა, რომ მივიღოთ მეორე ბელარუსი კავკასიაში“, – ასე შეაფასა საქართველოში მიმდინარე მოვლენები ვროპის საბჭოს საპარლამენტო ასამბლეის ვიცე-პრეზიდენტმა კნუტ აბრაჰამმა.
⚠️ OUTRAGEOUS: FOUR liberal opposition leaders have been thrown in jail by the Georgian Dream regime. This is pure political repression.
The people of Georgia are demanding democracy, and they are being silenced. Liberals will not stay quiet. We demand their immediate release… pic.twitter.com/K829kJdaHt
— ALDE Party (@ALDEParty) June 24, 2025
„აღმაშფოთებელია, „ქართული ოცნების” რეჟიმმა ოთხი ლიბერალი ოპოზიციონერი ლიდერი ჩასვა ციხეში. ეს წმინდა პოლიტიკური რეპრესიაა”, – წერს „ლიბერალებისა და დემოკრატების ალიანსი ევროპისთვის“ (ALDE).
