საპროტესტო აქციებისას ნარკოდანაშაულის ბრალდებით დაკავებული 22 წლის თედო აბრამოვი სასამართლომ კვლავ პატიმრობაში დატოვა. დღევანდელ სხდომაზე მისთვის აღკვეთის ღონისძიების სახით შეფარდებული პატიმრობა გადაისინჯა.
თედო აბრამოვი 2024 წლის 7 დეკემბერს პოლიციამ საპროტესტო აქციაზე მიმავალი საკუთარ სახლთან დააკავა. გამოძიების ინფორმაციით, აბრამოვის პირადი ჩხრეკისას სამართალდამცველებმა 5 გრამამდე ნარკოტიკული საშუალება ამოიღეს, ბრალის დამტკიცების შემთხვევაში მას 8-დან 20 წლამდე ან უვადო პატიმრობა ემუქრება.
