სოციალურ ქსელში „ქართული ოცნების“ აღმასრულებელი მდივნის, მამუკა მდინარაძის შეურაცხყოფისთვის, თბილისის საქალაქო სასამართლომ კოალიცია „ცვლილებისთვის“ ერთ-ერთ ლიდერს, ელენე ხოშტარიას 4 000-ლარიანი ჯარიმა დააკისრა.
მოსამართლე დავით თეთრაულის გადაწყვეტილებით, ოპოზიციონერ პოლიტიკოსს 3 წლით იარაღის ტარების უფლებაც ჩამოერთვა.
პროცესს ელენე ხოშტარია არ დასწრებია. მისი თქმით, არც დაკისრებული ჯარიმის გადახდას აპირებს და ამბობს, რომ „ქართული ოცნება“ აზრის გამოხატვის თავისუფლებას ზღუდავს.
