თბილისის საქალაქო სასამართლომ ტელეწამყვანი ვიკა ბუკია სამართალდამრღვევად ცნო და 4000 ლარით დააჯარიმა. მას „ქართული ოცნების“ დეპუტატმა, მარიამ ლაშხმა სოციალურ ქსელში გამოქვეყნებული პოსტის გამო უჩივლა.
შინაგან საქმეთა სამინისტრო არაერთ პოლიტიკოს, აქტივისტსა თუ ჟურნალისტს ადმინისტრაციულ სამართალდარღვევათა კოდექსის 173-ე მუხლის დარღვევას ედავება, რაც პოლიტიკური თანამდებობის პირის შეურაცხყოფას გულისხმობს და სასჯელის სახედ 1500-დან 4000 ლარამდე ჯარიმას, ან 45 დღემდე ვადით ადმინისტრაციულ პატიმრობას ითვალისწინებს.
