საპროკურორო საბჭომ საქართველოს გენერალური პროკურორის კანდიდატად გიორგი კვირიკაძე აირჩია – მთავარი საგამოძიებო უწყების ხელმძღვანელის თანამდებობაზე მას კონკურენტი არ ჰყავს.
პროკურატურის თანახმად, მის კანდიდატურას 10 მომხრე ჰყავს. მანამდე გიორგი კვირიკაძე გენპროკურორის მოადგილის თანამდებობას იკავებდა. 4 ივნისიდან, უწყების ყოფილი ხელმძღვანელის, გიორგი გაბიტაშვილის გადადგომის შემდეგ, ის გენერალური პროკურორის მოვალეობის შემსრულებელი გახდა.
„ქართული ოცნების“ საკანონმდებლო ცვლილებებით, გენერალური პროკურორის არჩევის წესი შეიცვალა. ამიერიდან პროკურორობის კანდიდატს საბჭოს წევრები ირჩევენ და ისინი წყვეტენ, ვინ წარუდგინონ პარლამენტს.
