შინაგან საქმეთა სამინისტროში ამბობენ, რომ გარდაიცვალა 38 წლის კაცი, რომელიც პოლიციას ჰყავდა დაკავებული.
შინაგან საქმეთა მინისტრის მოადგილე ალექსანდრე დარახველიძე აცხადებს, რომ ახალგაზრდა კაცი გლდანის პოლიციის განყოფილებაში შეუძლოდ გახდა და გონება დაკარგა.
“სამართალდამცავებმა სასწრაფო-სამედიცინო დახმარება დაუყოვნებლივ გამოიძახეს და მოხდა მისი სტაციონარში გადაყვანა, 2 დღის შემდეგ კი ის საავადმყოფოში გარდაიცვალა”,- განაცხადა ალექსანდრე დარახველიძემ.
საქმე ეხება თბილისის ერთ-ერთ რესტორანთან მომხდარ ჩხუბს, რომლის შედეგადაც შინაგან საქმეთა სამინისტრომ ჯგუფური ძალადობის ბრალდებით სამი პირი დააკავა.
“გამოძიების მიერ დანიშნულია ყველა შესაბამისი ექსპერტიზა და საგამოძიებო ორგანო ფაქტზე გამოძიებას აგრძელებს“,- განაცხადა ალექსანდრე დარახველიძემ.
