საქართველოს მთავრობის განკარგულების თანახმად, თამარ ტალიაშვილის კანდიდატურა, საქართველოს ელჩის თანამდებობაზე დასანიშნად, მიხეილ ყაველაშვილს წარედგინა.
„საქართველოს კონსტიტუციის 52-ე მუხლის პირველი პუნქტის „ა“ ქვეპუნქტისა და „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის მე-5 მუხლის „ღ“ ქვეპუნქტის შესაბამისად, 2025 წლის 10 ივლისიდან ამერიკის შეერთებულ შტატებში საქართველოს საგანგებო და სრულუფლებიანი ელჩის თანამდებობაზე საქართველოს პრეზიდენტს დასანიშნად წარედგინოს თამარ ტალიაშვილის კანდიდატურა“, – ნათქვამია საქართველოს მთავრობის განკარგულებაში, რომელიც 9 ივნისით თარიღდება.
თამარ ტალიაშვილი 2020-2022 წლებში საქართველოს მე-10 მოწვევის პარლამენტის წევრი იყო. 2022 წლის ოქტომბერში კი ევროპის საბჭოში საქართველოს მუდმივ წარმომადგენლად დაინიშნა.
