22 მაისიდან საქართველოს სკოლებში პირველკლასელთა საყოველთაო რეგისტრაცია დაიწყო და 17 ივნისის ჩათვლით გაგრძელდება.
მშობლებს ბავშვების დარეგისტრირება განათლების მართვის საინფორმაციო სისტემის ოფიციალურ ვებგვერდზე შეუძლიათ.
ელექტრონულად რეგისტრირებული მოსწავლის ჩასარიცხად აუცილებელი დოკუმენტაციის წარდგენა სკოლებში 18 ივნისიდან 27 ივნისის ჩათვლით იქნება შესაძლებელი.
დადგენილ ვადებში დოკუმენტაციის წარუდგენლობის შემთხვევაში რეგისტრაცია ავტომატურად გაუქმდება.
