მიხეილ ყაველაშვილი სოციალურ ქსელ ფეისბუკზე წერს, რომ შეხვდა რომის პაპ ლეონ მეთოთხმეტეს.
„შეხვედრაზე განვიხილეთ საქართველოსა და წმინდა საყდარს შორის არსებული ურთიერთობა და თანამშრომლობის გაძლიერების პერსპექტივები – ქრისტიანულ ფასეულობებზე დაფუძნებული კავშირი მჭიდრო პარტნიორობის საფუძველს ქმნის”, – წერს ყაველაშვილი.
მისივე თქმით, პაპს კათოლიკური ეკლესიის წინამძღვრად არჩევა მიულოცა და მადლობა გადაუხადა საქართველოს ტერიტორიული მთლიანობისა და სუვერენიტეტის მხარდაჭერისთვის.
მიხეილ ყაველაშვილის თქმით, რომის პაპი საქართველოში მოიწვია.
