მოშიმშილე ჭიათურელი მაღაროელების ნაწილი თბილისში ჩამოვიდა და პროტესტს მთავრობის ადმინისტრაციასთან აგრძელებს.
ხუთი მაღაროელი უკვე მე-17 დღეა, შიმშილობს. ისინი მთავრობის წარმომადგენლებთან შეხვედრასა და ჭიათურაში დაკავებული პროტესტის მონაწილე პირების გათავისუფლებას ითხოვენ.
პარალელურად, უკვე 74-ე დღეა, პროტესტი გრძელდება ჭიათურაშიც. საპროტესტო აქციები ჭიათურაში მას შემდეგ დაიწყო, რაც მანგანუმის მომპოვებელმა კომპანიამ „ჯორჯიან მანგანეზმა“ მიწისქვეშა სამუშაოები შეაჩერა და 3 600-ზე მეტი დასაქმებული უმუშევარი დარჩა.
