გერმანიის კონსტიტუციის დაცვის ფედერალურმა ოფისმა ულტრამემარჯვენე პარტია “ალტერნატივა გერმანიისთვის” AfD მემარჯვენე ექსტრემისტულ ორგანიზაციად გამოაცხადა, რომელიც საფრთხეს უქმნის დემოკრატიას და კონსტიტუციურ წესრიგს.
ოფისის თქმით, გადაწყვეტილების მიზეზი პარტიის ქსენოფობიური დამოკიდებულებაა ეთნიკური კუთვნილების მიმართ, რაც დისკრიმინაციას წარმოადგენს არაეთნიკური გერმანელების მიმართ.
თებერვლის არჩევნებში პარტია მეორე ადგილზე გავიდა – ცენტრისტული CDU-ის შემდეგ და ცენტრალურ-მემარცხენე SPD-ზე წინ, რაც ნიშნავს, რომ სწორედ ეს ორი პარტია ჩამოაყალიბებს ახალ მთავრობას.
მსგავსი გადაწყვეტილება უკვე მიღებული იყო პარტიის ზოგიერთი ფრთის, მათ შორის მისი ახალგაზრდული ორგანიზაციის წინააღმდეგაც.
ახლა გერმანიის პარლამენტს შეუძლია, მოითხოვოს პარტიის დაშლა, რაც შემდეგ კონსტიტუციურმა სასამართლომ უნდა დაადასტუროს. თუმცა, ნაკლებად სავარაუდოა, რომ ეს რეალურად მოხდეს.
