7 მილიონამდე უკრაინელი აღდგომას მესამე წელია, ლტოლვილობაში ხვდება. მიზეზი რუსული აგრესიაა, რომელმაც მათთვის რელიგიური დღესასწაულის აღნიშვნის წესიც კი შეცვალა.
ვინც ომს საქართველოში გამოექცა, ტრადიციების აღდგენით ცდილობს საკუთარ ფესვებთან, იდენტობასა და წარსულთან დაახლოებას, მათ შორის უკრაინელებისთვის ყველაზე გამორჩეული ე.წ. „პისანკების” წერაა.
სააღდგომო კვერცხის მოხატვის ეს სლავური ტრადიცია სიმბოლურ დატვირთვას ატარებს. „უკრაინულ სახლში” შეკრებილი უკრაინელი ქალები ევრონიუს ჯორჯია უყვებიან, თუ როგორ ხვდებიან აღდგომის ბრწყინვალე დღესასწაულს საქართველოში.
