1989 წლის 9 აპრილის ტრაგედიის 36-ე წლისთავთან დაკავშირებით საქართველოში ამერიკის შეერთებული შტატების საელჩო განცხადებას ავრცელებს.
„დღეს 9 აპრილის ტრაგედიიდან 36 წელი გავიდა. ჩვენ ვიხსენებთ თავისუფლებისთვის მებრძოლ 21 უდანაშაულო მსხვერპლსა და ასობით დაშავებულს, როდესაც ქართველები მედგრად იდგნენ ერთმანეთის გვერდით, საქართველოს თავისუფლებისა და დამოუკიდებლობისთვის ბრძოლაში“, – წერს აშშ-ის საელჩო საქართველოში.
9 აპრილს დაღუპულთა პატივსაცემად გმირთა მემორიალი გვირგვინით შეამკო საქართველოში აშშ-ის ელჩმა რობინ დანიგანმა.
