ნატოს სამხედრო ალიანსის 12 წევრი ქვეყნის სამხედროებმა მიმდინარე კვირას შავ ზღვასა და მდინარე დუნაიზე რუმინეთის ხელმძღვანელობით ყოველწლიური საზღვაო წვრთნები დაიწყეს.
ე.წ. „საზღვაო ფარის“ წვრთნებში 2300-ზე მეტი სამხედრო მონაწილეობს და მისი მიზანია სახმელეთო, საჰაერო და საზღვაო ძალებს შორის კოორდინაციის გაძლიერება.
წვრთნებში ჩართული არიან 1600-ზე მეტი რუმინელი სამხედრო და 11 პარტნიორი ქვეყნის ჯარისკაცები ევროპიდან და ჩრდილოეთ ამერიკიდან. როგორც ცნობილია, საზღვაო სწავლება პირველად 2015 წელს გაიმართა, ხოლო 2022 წლის თებერვალში რუსეთის მიერ უკრაინაში სრულმასშტაბიანი შეჭრის შედეგად ის რეგულარულად იმართება. რუმინეთის საზღვაო ძალების შეფასებით, ეს, სხვა წვრთნებისგან განსხვავებით, ყველაზე კომპლექსური ღონისძიებაა.
შავი ზღვა მნიშვნელოვან როლს ასრულებს უკრაინაში მიმდინარე ომში. შეერთებულმა შტატებმა გასულ კვირას ცეცხლის ნაწილობრივ შეწყვეტის შეთანხმების შესახებ განაცხადა, რათა შეჩერდეს საბრძოლო მოქმედებები სავაჭრო გემების საკვანძო მარშრუტებზე.
მიუხედავად იმისა, რომ უკრაინაც და რუსეთიც ტექნიკურად დასთანხმდნენ შეთანხმებას, ჯერ კიდევ გაურკვეველია, როგორ და როდის შეასრულებენ მას. ისიც გასათვალისწინებელია, რომ რუსეთი აჭიანურებს პროცესს დამატებითი მოთხოვნებით.
