საკანონმდებლო მაცნეზე გამოქვეყნდა მიხეილ ყაველაშვილის მიერ ხელმოწერილი FARA-ს კანონი, რომელიც 2025 წლის 1-ელი აპრილით თარიღდება.
„ქართულმა ოცნებამ“ კანონი მესამე მოსმენით სწორედ 1-ელ აპრილს მიიღო და ის გამოქვეყნებიდან 60 დღეში ამოქმედდება.
🇬🇪#Georgia foreign agents legislation raises concerns over negative impact on civil society. See ODIHR’s full statement here: https://t.co/aZi0pqx4l8 #HumanRights #CivilSociety
— OSCE/ODIHR (@osce_odihr) April 2, 2025
ამასთან, 2 აპრილს ეუთოს ადამიანის უფლებების ოფისმა განცხადება გაავრცელა „უცხოური აგენტების რეგისტრაციის აქტის“ შესახებ. განცხადებაში წერია, რომ კანონი დიდ დარტყმას აყენებს სამოქალაქო საზოგადოებას და ყველას, ვინც ადამიანის უფლებების დასაცავად მუშაობს.
ეუთო/ოდირი მოუწოდებს საქართველოს ხელისუფლებას, გადახედოს საკანონმდებლო ინიციატივის დანერგვას და კიდევ ერთხელ აღნიშნავს, რომ საჭიროა კანონის ხელახლა, ყურადღებით შეფასება.
