პრემიერი ირაკლი კობახიძე ერევანში სომხეთის პრემიერ-მინისტრს, ნიკოლ ფაშინიანს შეხვდა.
საქართველოს მთავრობის ადმინისტრაციის ცნობით, სომხეთის რესპუბლიკის მთავრობის სახლში შეხვედრისას მხარეებმა ორ ქვეყანას შორის „ნაყოფიერ თანამშრომლობასა და მრავალწლიან კეთილმეზობლურ ურთიერთობებზე ისაუბრეს.“
მათივე ინფორმაციით, შეხვედრაზე „ყურადღება დაეთმო სტრატეგიული პარტნიორობის დღის წესრიგში არსებულ ძირითად საკითხებს, მათ შორის, სავაჭრო-ეკონომიკურ, სატრანსპორტო და კულტურის სფეროში თანამშრომლობას.“
I had the opportunity to meet with H.E. @NikolPashinyan, the Prime Minister of 🇦🇲, during my visit to Armenia. Our discussion was comprehensive, focusing on our strategic partnership as well as the main regional and global issues. The strong and positive dynamics of our… pic.twitter.com/yzkIuNeXX6
— Irakli Kobakhidze (@PM_Kobakhidze) March 20, 2025
„ჩვენი ურთიერთობების მტკიცე და პოზიტიური დინამიკა, რომელიც სპორტული და კულტურული კავშირებით კიდევ უფრო მყარდება, ჩვენს ხალხებს შორის ღრმა ისტორიული კავშირების დასტურია“, – დაწერა ირაკლი კობახიძემ შეხვედრის შემდეგ პლატფორმა X-ზე. დღეს იგი საქართველო-სომხეთის ეროვნული საფეხბურთო ნაკრებების მატჩს დაესწრება.
