კატეგორიები

პარლამენტთან სეუს სტუდენტური მოძრაობის 24-საათიანი პროტესტი გრძელდება

პარლამენტთან სეუს სტუდენტური მოძრაობის 24-საათიანი პროტესტი გრძელდება

პარლამენტთან სეუს სტუდენტური მოძრაობის 24-საათიანი პროტესტი გრძელდება. სტუდენტებთან დღეს, 18 მარტს, მივიდნენ საპროტესტო აქციებისას დაკავებულთა ოჯახის წევრები, რომლებიც მხარდაჭერას უცხადებენ სტუდენტებს.

სეუს სტუდენტებმა გუშინ, 17 მარტს, უწყვეტი პროტესტის 110-ე დღეს საკანონმდებლო ორგანოს წინ განაცხადეს, რომ „ქართული ოცნება” ყოველდღიურად იღებს რეპრესიულ კანონებს და საჭიროა, სტუდენტებმა როგორც უნივერსიტეტების ფოიეებში, ასევე რუსთაველის გამზირზე 24-საათიანი პროტესტი გამოხატონ.

ახალგაზრდები ითხოვენ იმ აქციის მონაწილეების გათავისუფლებას, რომლებიც როგორც გაზაფხულის ისე მიმდინარე საპროტესტო აქციებისას დააკავეს. სეუს სტუდენტების ნაწილი აქამდე უნივერსიტეტის ერთ-ერთ აუდიტორიაში 30-ზე მეტი დღის განმავლობაში, შემდეგ კი 30 დღე უნივერსიტეტის გარეთ, ღია ცის ქვეშ აპროტესტებდა სეუს სტუდენტის ირაკლი მიმინოშვილის პატიმრობას, რომელიც ასევე საპროტესტო აქციებისას დააკავეს.

სტუდენტები, რომლებიც პარლამენტთან 24-საათიან პროტესტს განაგრძობენ, ამბობენ, რომ ისინი არ დაიღლებიან და პროტესტს იქამდე გააგრძელებენ, სანამ მათი მოთხოვნები არ დაკმაყოფილდება.

დაკავშირებული ამბები
ევროკავშირი საქართველოსთან დაკავშირებით ახალი ზომების მიღებას განიხილავს საქართველოს დამოუკიდებლობის დღე ზეიმისა და პროტესტის ფონზე
სხვა ამბები