Habano-ს 25-ე ფესტივალი ჰავანაში ორშაბათს გაიხსნა და მასში მონაწილეობენ სიგარების მოყვარულები და დისტრიბუტორები მთელი მსოფლიოდან.
ორგანიზატორების თქმით, წელს ფესტივალს დაახლოებით 3,300 მონაწილე დაესწრება 110 სხვადასხვა ქვეყნიდან. სტუმრებს შორის არიან კოლექციონერები, საერთაშორისო დისტრიბუტორები, ექსპერტ-დეგუსტატორები და სიგარის სახლების დირექტორები მსოფლიოს სხვადასხვა დედაქალაქიდან.
ყოველწლიური ღონისძიება გაიხსნა ორშაბათს, 24 თებერვალს, გამოფენით, სადაც წარმოდგენილი იყო სიგარებთან დაკავშირებული სხვადასხვა პროდუქტი. ფესტივალი შაბათს დასრულდება ტრადიციული აუქციონით.
ამ აუქციონზე, როგორც წესი, მილიონობით დოლარი გროვდება, რომელიც კუბის მთავრობის განცხადებით, ქვეყნის საზოგადოებრივი ჯანდაცვის სექტორს ხმარდება.
კუბური სიგარების გაყიდვით მიღწეულმა შემოსავალმა, რომლებიც მსოფლიოში საუკეთესოდ ითვლება, 2024 წელს 827 მილიონ დოლარს მიაღწია, ყველაზე მეტად გაიყიდა ჩინეთში. როგორც სექტორის წარმომადგენლები აღნიშნავენ, ჩინეთის შემდეგ ყველაზე მნიშვნელოვანი ბაზარია ესპანეთი, შვეიცარია, დიდი ბრიტანეთი და გერმანია.
ამერიკის შეერთებული შტატების მიერ კუბის წინააღმდეგ დაწესებული სანქციების გამო კუბური სიგარების გაყიდვა იქ შეუძლებელია, მიუხედავად იმისა, რომ აშშ მსოფლიოში ამ პროდუქტის უმსხვილესი ბაზარია.
