საქართველოში გერმანიის ელჩის, პეტერ ფიშერის განცხადებით, გერმანიის განათლებისა და კვლევის ფედერალურმა სამინისტრომ, გერმანულ-ქართული სამეცნიერო თანამშრომლობის განვითარება შეაჩერა.
ინფორმაციას დიპლომატი სოციალურ პლატფორმა X-ზე ავრცელებს და განმარტავს, რომ გადაწყვეტილება ეხება სტუდენტებსაც, მათ შორის მათ მობილობას, კვლევებსა და ევროკავშირში საქართველოს პროგრამებს.
პეტერ ფიშერის თქმით, გადაწყვეტილება ყველა საგანმანათლებლო პროგრამას არ ეხება.
🇩🇪 Minister for Education & Research @BMBF_Bund has frozen upgrade of 🇩🇪🇬🇪 science co-op, incl. student mobility, research & 🇬🇪 in 🇪🇺 programs – due to 🇬🇪 curbs on academic freedom & halt of EU accession. Georgians who attended 🇩🇪 unis – mostly on 🇩🇪 scholarships- know the loss. pic.twitter.com/DxXZiujFxa
— Peter Fischer (@Diplo_Peter) February 26, 2025
„ეს ჩვენს გულუხვ სასტიპენდიო პროგრამებს, – მაგალითად, DAAD-ს, – ჯერ არ ეხება, მაგრამ გერმანია განაგრძობს ვითარების მონიტორინგს და, სამწუხაროდ, განიხილავს საქართველოსთან ურთიერთობების ყველა ასპექტის გადახედვას“, – წერს საქართველოში გერმანიის ელჩი, პეტერ ფიშერი პლატფორმა X-ზე.
დიპლომატი აცხადებს, რომ ამ ნაბიჯის გადადგმის მიზეზი საქართველოს მიერ აკადემიური თავისუფლების შეზღუდვა და „ქართული ოცნების“ 2024 წლის 28 ნოემბრის გადაწყვეტილებაა, შეაჩეროს ქვეყნის ევროკავშირში გაწევრების პროცესი.
