ეგზიტპოლების თანახმად, გერმანიაში ვადამდელ საპარლამენტო არჩევნებში ფრიდრიხ მერცის კონსერვატიული ბლოკი – ქრისტიან-დემოკრატიული კავშირი/ქრისტიან-სოციალური კავშირი (CDU/CSU) ლიდერობს.
მეორე ადგილზე ულტრამემარჯვენე პარტია „ალტერნატივა გერმანიისთვის“ გავიდა.
გერმანიის მოქმედი კანცლერის „სოციალ-დემოკრატიული პარტია” მესამე ადგილზეა.
ოლაფ შოლცი აცხადებს, რომ არჩევნების შედეგები „მწარეა” მისი პარტიისთვის. შოლცის თქმით, ეს არის მომენტი, „როდესაც უნდა ვაღიაროთ, რომ წავაგეთ არჩევნები”.
„ჩვენ უნდა დავიცვათ ის, რასაც ყოველთვის ვამბობდით, არ უნდა ვიმუშაოთ ულტრამემარჯვენეებთან“, – განაცხადა გერმანიის კანცლერმა. ის იმედოვნებს, რომ სხვა პოლიტიკური პარტიები „ამ დაპირებას შეასრულებენ“.
