ბრაზილიის მთავრობის გადაწყვეტილებით, ბრაზილია ნავთობის ექსპორტიორ ქვეყანათა ორგანიზაციის, OPEC+-ის წევრი გახდება.
ბრაზილიის პრეზიდენტის, ლუის ინასიუ ლულა და სილვას განცხადებით, OPEC+ არის ფორუმი ნავთობის მწარმოებელ ქვეყნებს შორის სტრატეგიების განხილვისთვის.
„ჩვენ არ უნდა გვრცხვენოდეს, რომ ნავთობის მწარმოებლები ვართ. ბრაზილია უნდა გაიზარდოს, განვითარდეს და შექმნას შემოსავალი და სამუშაო ადგილები”, – განაცხადა ლულა და სილვამ.
მსოფლიო მასშტაბით, ბრაზილია სიდიდით ნავთობის მწარმოებელი მეშვიდე ქვეყანაა. აშშ-ის სამთავრობო სააგენტოს ენერგეტიკის ინფორმაციის ადმინისტრაციის ცნობით, ის დღეში დაახლოებით 4,3 მილიონ ბარელ ნავთობს აწარმოებს.
