საქართველოს მეხუთე პრეზიდენტი, სალომე ზურაბიშვილი მიუნხენის უსაფრთხოების კონფერენციის ფარგლებში საგარეო საქმეთა და უსაფრთხოების საკითხებში ევროკავშირის უმაღლეს წარმომადგენელს, კაია კალასს შეხვდა.
შეხვედრის შესახებ ინფორმაციას სალომე ზურაბიშვილი სოციალურ პლატფორმა X-ზე ავრცელებს.
Met with @kajakallas and conveyed the appeals from Georgian media representatives for increased support from our partners. New free and fair elections are the only way out of crisis of Georgia pic.twitter.com/UdPvw0g4kZ
— Salome Zourabichvili (@Zourabichvili_S) February 16, 2025
„კაია კალასს გადავეცი ქართული მედიის წარმომადგენლების მოწოდებები ჩვენი პარტნიორების მხრიდან მხარდაჭერის გაზრდის შესახებ. ახალი, თავისუფალი და სამართლიანი არჩევნები ერთადერთი გამოსავალია საქართველოში არსებული კრიზისიდან“, – წერს საქართველოს მეხუთე პრეზიდენტი. მიუნხენის უსაფრთხოების კონფერენციის ფარგლებში ჩაწერილ ინტერვიუში საქართველოს მეხუთე პრეზიდენტმა განაცხადა, რომ საქართველოში არ არსებობს არცერთი დამოუკიდებელი ინსტიტუტი, რომელიც არ კონტროლდება ერთი პარტიის მიერ.
