აშშ-ის თავდაცვის მდივნის პიტ ჰეგსეთის განცხადებით, უკრაინის სურვილი, ნატოში გაწევრდეს და დაიბრუნოს ის ტერიტორია, რომელიც 2014 წლამდე ეკუთვნოდა, არარეალურია. ამის შესახებ მან ბრიუსელში უკრაინის თავდაცვის საკონტაქტო ჯგუფის შეხვედრაზე განაცხადა. საკონტაქტო ჯგუფში 46 ქვეყანაა გაწევრიანებული.
„ჩვენ უნდა დავიწყოთ იმის აღიარებით, რომ უკრაინის 2014 წლამდე არსებული საზღვრების დაბრუნება არარეალურია. ეს ილუზიური მიზანი მხოლოდ ომს გაახანგრძლივებს და მეტ ტანჯვას გამოიწვევს. ჩვენ არ გვჯერა, რომ უკრაინის ნატოში წევრობა შესაძლოა მოლაპარაკებების ერთ-ერთი შედეგი იყოს“, – განაცხადა აშშ-ის თავდაცვის მინისტრმა პიტ ჰეგსეთმა.
Below are my remarks today at @NATO on Ukraine-Russia.
President @realDonaldTrump’s leadership will deliver a durable peace. https://t.co/0Ur2NAyvLy
— Pete Hegseth (@PeteHegseth) February 12, 2025
პიტ ჰეგსეთმა ასევე ხაზგასმით აღნიშნა, რომ პრეზიდენტ დონალდ ტრამპისთვის პრიორიტეტული საკითხია ომის დასრულება დიპლომატიური საშუალებებით. მისი მიზანია, რუსეთიც და უკრაინაც მოლაპარაკებაზე დაითანხმოს.
მან ასევე დასძინა, რომ მომავალი სამშვიდობო ძალების შემადგენლობაში ამერიკელი სამხედროები არ უნდა იყვნენ. ასევე პოტენციურ სამშვიდობო მისიაზე არ უნდა გავრცელდეს ნატოს მეხუთე მუხლი.
