„ეს არის რუსეთი. ეს არის ბელარუსი. ხალხს თეთრი ფურცლების ჭერისა და ტროტუარზე დგომის გამო იჭერენ” – ამბობენ ჟურნალისტები, რომლებიც პარლამენტთან მზია ამაღლობელის მხადრასაჭერად შეიკრიბნენ.
ჟურნალისტები და სამოქალაქო აქტივისტები საკნონმდებლო ორგანოსთან დილის 11 საათზე მივიდნენ, იქამდე სანამ პლენარული სხდომა დაიწყებოდა.
პარლამენტის უკანა შესასვლელთან შეკრებილებს სურდათ, აქცია 9 აპრილის ქუჩაზე გაეგრძელებინათ. მიუხედავად იმისა, რომ აქციის მონაწილეებს სამართალდამცველებმა ტროტუარზე გადაადგილების ნება დართეს, რამდენიმე წუთში პოლიციამ ისინი 9 აპრილის ქუჩიდან ძალის გამოყენებით გაიყვანა.
აქციის მიმდინარეობისას სამართალდამცველებმა ტერიტორიიდან ორი პირი გაიყვანეს. ამ დროისთვის უცნობია, დააკავეს თუ არა ისინი.
